الدش

مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس

الفرح

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط

خروف

خروف بيسأل خروف عدى عليك عيدين ومادبحوكش ليه؟ قال له أصلي مسجل نفسي في شهادة الميلاد حمار

اعمى

مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من عشرين سنه طلعت خرطوم

موجه تاريخ

مره موجه تاريخ دخل الفصل وراح موقف تلميذ وقاله مين اللى قتل كليبر قال التلميذ والله ما اعرفه فالموجه وقف واحد تانى ولا مين اللى قتل كليبر قال والله ما انا يا استاذ راح الموجه وقف تلميذ تالت وقاله مين اللى قتل كليبر قاله اسال الاستاذ عنى عمره شاف منى حاجه كدا ولا كدا راح الموجه زعل وطلع من الفصل راح الاستاذ جرى وراه حضره الموجه انت متاكد ان اللى قتل كليبر من 3/1